Tileinkaðu þér atvinnumennsku og samskiptafærni til framtíðar.

Hæ ég er Þórey!

Markmið mitt er að gefa öllum, sérstaklega konum, tól og tæki til að finna sína rödd og hjálpa þeim að láta hana heyrast!

Ég var sjálf hræðilega feimin sem unglingur en sótti alltaf í námskeið til að vinna mig út úr því. Í leiklistinni var oft gott að geta skýlt sér á bak við karakter en ég fann fljótt að það var alltaf gap þarna á milli. Nú hef ég í um 20 ár unnið með fólki sem vill ná árangri í samskiptum og fyrirlestrartækni og ekkert er jafn ánægjulegt eins og það að sjá fólk ná að blómstra og þora að láta ljós sitt skína.

Önnur ástríða hjá mér er að hjálpa kennurum að þjálfa atvinnutæki sitt, röddina. Það hefur mikið skort á raddþjálfun í menntun kennara en ekkert tól er þeim jafn mikilvægt. Það sama á auðvitað við um alla sem treysta á röddina í sinni atvinnu, það skiptir máli að kunna á hana ekki síður en tölvuna sína. Tölvuna getum við endurnýjað en við eigum bara eina rödd.

Röddin er líka magnað samskiptatæki og getur verið áhrifavaldur í því hvernig til tekst í hvaða fagi sem er.

Ég hjálpa þátttakendum að þróa efni sitt í gegnum námskeiðið og koma á framfæri, svo við vinnum með að gera RÖDDINA þína eða það sem þér liggur á hjarta, sýnilegt  auk þess að þjálfa færni í fyrirlestratækni.

Hvaða aðferðir nota ég?

Ég byggi námskeiðið á skapandi aðferðum leiklistarinnar

Sérfræðiþekking mín og margra ára reynsla í faginu ásamt því að hafa kennt við helstu menntastofnanir Íslands Listaháskóla Íslands, Háskóla Íslands, Háskólann í Reykjavík og Kvikmyndaskóla Íslands er það sem gefur mér styrk og sérstöðu sem nýtist mér í kennslunni og nemendur mínir njóta góðs af. Hér eru nokkrar gráður sem vitna um það.

Menntun mín

MA í Advanced Theatre Practice frá The Central School of Speech and Drama London

MA Í Hagnýtri Menningarmiðlun frá Háskóla Íslands

Kennsluréttindi í Leiklist frá Listaháskóla Íslands

Kennari Nadine George Voice Work

Leiðsögumaður frá Leiðsöguskóla Íslands MK

SKIPULAG NÁMSKEIÐSINS
Kennslan fer fram í lokuðum facebook hóp þar sem ég legg inn KENNSLUMYNDBÖND og VERKEFNI vikulega. Þar er frábær vettvangur til að deila reynslu sinni og bera saman bækur sínar ef vill. Í vikulegri vinnusmiðju þar sem fyllsta trúnaðar er gætt, gefst einnig tækifæri til að eiga samræðu við hópinn um efnið sem tekið er fyrir og þau vandamál sem þú hefur rekið þig á. Heiðarleg og nákvæm endurgjöf á videopistlum ýtir þátttakendum lengra og raunverulegur árangur er skýr. Hver þátttakandi gerir æfingarnar á þeim hraða og á þeim tímum sem hentar hverjum og einum.

6 x KENNSLUMYNDBÖND með fræðsluefni
Í hverri viku tökum við fyrir afmarkað efni sem er grunnur fyrir færni í fyrirlestrartækni og flutningi á kynningum. Þú færð æfingar, vinnubók og skipulag til að fara eftir.
Þættir sem farið verður í eru
-líkamsbeiting, öndun, radd og talfæraæfingar
-hugleiðsla til að vinna með ásetning, hrinda huglægum hindrunum úr vegi og leggja grunn að raunverulegu sjálfstrausti í framkomu og fyrirlestrum.
-hlutverkin sem við leikum í þessu lífi, hvernig það að styrkja rödd okkar getur hjálpað okkur í samskiptum bæði í vinnunni og persónulega.
-hvernig rétt spennujafnvægi og streitulosun styrkir röddina og innra jafnvægi.

6 x ENDURGJÖF á videópistli
Í lok hverrar viku sendir þú mér videó upptöku af þínum fyrirlestri/kynningu (3-5 mín) sem þú þróar yfir tímabilið og færð skýra, gagnlega og heiðarlega endurgjöf á hvað þú gerir vel og hvar þú getur þróað áfram tækni þína og framsetningu efnis.

6 x VINNUSMIÐJA á Zoom nýr gestafyrirlesari í hverri viku
Vikulega verður opin vinnusmiðja þar sem við bjóðum velkomna gestafyrirlesara sem eru sérfræðingar á sínu sviði og tengjast viðfangsefni hverrar viku.
Gestafyrirlesarar verða kynntir síðar en þeir eiga eftir að koma skemmtilega á óvart og krydda og dýpka námsefnið.

6 x VIKUR af hvatningu og handleiðslu
Þú fær skipulagða þjálfun, eftirfylgni sem hjálpar þér að ná markmiðum þínum og æfingar sem þú getur nýtt þér áfram.

2 x 3 VIKUR - ein fyrir og önnur eftir jól
Námskeiðið er unnið í tveimur lotum og efnið er aðgengilegt út janúar 2021. Þannig gefst tími til að taka efnið inn og melta eftir fyrstu lotu fyrir jól, lifa með því og breyttu hugarfari í þrjár vikur og koma aftur að þjálfun í janúar. Það tekur 21 dag að tileinka sér nýjar venjur. Við gefum okkur þrefalt tækifæri til að aðlagaðst nýjum venjum og hugsunarhætti.

Aðgengi að lokuðum FACEBOOK hóp
Hér er bókasafnið okkar, hér birtast öll verkefnin í einingum og hér gefst tækifæri til að bera saman bækur sínar og frábær vettvangur fyrir skoðanaskipti og reynslusögur þar sem fyllsta trúnaðar er gætt.

LOTA I = 23.11. - 13.12. = 3 VIKUR Ásetningur og markmiðssetning, grunnur lagður að þjálfun og þekkingu á líkama og rödd. Æfingar lagðar inn. Gestafyrirlesarar.

3 VIKUR = 14.12. - 03.01. = JÓLAFRÍ til að melta og máta.

LOTA I I = 04.1. -24. 01. = 3 VIKUR Sterk innkoma í janúar, fleiri gestafyrirlesarar og við tengjum við sýn okkar á 2021 og ásetning okkar að gera það að besta ári okkar hingað til!

EF EKKI NÚNA HVENÆR ÞÁ?

NÚNA ER RÉTTI TÍMINN TIL AÐ HUGSA TIL FRAMTÍÐAR

TÍMINN ER NÚNA!

ALGENGAR SPURNINGAR OG SVÖR

• HVAR FER NÁMSKEIÐIÐ FRAM?
  Námskeiðið fer fram á netinu, fræðsluefni, verkefni og fyrirlestrar birtast í lokuðum facebook hóp og vikuleg vinnusmiðja fer fram í gegnum samskiptatækið Zoom. Skýrar leiðbeiningar verða gefnar svo hver og einn ætti auðveldlega að geta tileinkað sér þá tækni sem þarf til að fylgja námsefninu.
• ÞARF ÉG AÐ GERA VERKEFNIN Á ÁKVEÐNUM TÍMA?
  Nýtt fræðsluefni og verkefni koma inn vikulega, á hverjum mánudegi.
  Efnið getur þú lesið og verkefnin getur þú leyst á þeim tíma sem þér hentar. Til að fá sem mest út úr námskeiðinu skila þátttakendur inn myndböndum með pistli/ á hverjum mánudegi þar á eftir. Hann getur þú unnið að öðru leyti þegar þér hentar. Þetta er eitt af því sem fólki finnst svo frábært við námskeiðið, að það getur sniðið það eftir sínum vexti.
• ÉG ER MJÖG UPPTEKIN NÚNA?
  Ef þú ert að lesa þennan texta þá er þetta námskeið greinilega eitthvað sem kallar á þig. Ef ekki núna þá hvenær? Settu sjálfa þig í fyrsta sætið og fjárfestu í þekkingu og persónulegri færni.
  Námskeiðið er unnið í tveimur lotum og tími til að melta yfir jólin.
• HVERSU LENGI ER EFNIÐ AÐGENGILEGT?
  Efnið verður aðgengilegt í facebook hópnum í tvær vikur eftir að námskeiði lýkur.
• ER BOÐIÐ UPP Á TÆKNILEGA AÐSTOÐ?
  Já tæknilegir þættir varðandi námskeiðið og skipulag verða teknir fyrir í kennslumyndbandi og eins er sjálfsagt að spyrja og öll hjálp er í boði.
• GET ÉG SÓTT UM STYRK FYRIR NÁMSKEIÐIÐ?
  Já flest stéttarfélög hafa stutt svona sjálfstyrkingarnámskeið.
• ER ÞÁTTTÖKUGJALDIÐ ENDURKRÆFT?
  Nei, ég reikna með að fólk geri samning og skuldbindi sig þegar það skráir sig á námskeiðið. Það hefur sýnt sig að það er það sem skilar þeim mestum árangri.

Þórey Sigþórsdóttir

Leiðandi kennari í rödd og fyrirlestratækni á Íslandi

www.thoreysigthors.com 

Ekki tilbúin að taka skrefið?

Tölum saman um markmið þín og hvernig ég get hjálpað.
Að fjárfesta í sjálfum sér er stórt skref en þú, atvinnutæki þitt og raddheilsa er þess virði. Bókaðu frían tíma í ráðgjöf hjá mér til að skoða markmið þín og drauma og skoðum saman hvað það er sem ég get hjálpað þér með ef við ákveðum að vinna saman.